[dropcap]М[/dropcap]ахъсса цаппара гьантрай Дагъусттаннал ПаччахIлугърал жилинспекциялийн 138 аьрза бувкIунни ЖКХ-лул масъаларттал хIакъиравусса.
Ведомствалул пресс-службалул баян бунни, ноябрь зурул 2-4-нний Инспекциялул зузалт къаралданий бивкIшиву, аварасса ишру хьун къабитаву мурадрай.
Шанма гьантлул мутталий Госжилнадзорданийн 65 инсаннал оьвкуну бур ттукI бакъашиву баян буллай, 26 инсаннал – къатраву гъилишиву лахълай бакъар тIий, 17 инсаннал – гъилисса ва дяркъусса щин дакъар тIий, 6 инсаннал – газрал ялув.
Агьалинал чулухасса цинярдагу тIалавшиннарду дузал даву хасъсса идарарттайн тапшургу дурну, ми щаллу даврил ялув бавцIуну бур инспекциялул зузалт.
ХIадур бувссар
Имара Саидовал
