Дагъусттаннал жагьилтурал иширтталсса буллалисса министр Камил Сяидов гьуртту хьунни вай гьантрай Омск шагьрулий хьусса Аьрасатнал ва Къазахъисттаннал лидертурал форумрай.

Тикку ххал бивгьунни Аьрасатнал ва Къазахънал жагьилтурал ккураннал дянивсса дусшиврийсса арарду цIакь дуваву мурадрайсса масъалартту.

Министрнал бувсунни 2012 шинал Къазахъисттаннаясса жагьилтал Дагъусттаннайн бувкIун бивкIшиву ва маслихIат бунни ялунчIил хьунтIисса «Каспий – 2020» дунияллул жагьилтурал форумрайнгу къазахнал жагьилтурал делегация тIайла буккан.

КIива билаятрал жагьилсса дипломатътал ва регионнал идарарттал хъунимигу гьуртту хьусса ва форумрай ххал бивгьунни жагьилтурал политика дюхъан даврил ххуллийсса цаймигу агьамсса масъалартту.

П. Рамазанова