[dropcap]В[/dropcap]а турнирданул гьану бивз­ссар 1978 шинал Аьлихан Жамалуттиновлул, гьаман му хъанай ур Хасавюртлив лачIун бу­ккаврил гьану бивзману.

Гьарца шинал кунна, турнир хьунни «Спартак» тIисса спортшкола-интернатрай. Бяст-ччаллавух гьуртту хьунни 270 чIава жагьил (юниор) Ухссавнил Ккавкказуллал республикарттаягу, Аьрасатнал цайми регионнаягу, мукунма дазул кьатIаллил билаятирттаягу бувкIсса.

[dropcap]Я[/dropcap]ла хъунмур команда Да­гъусттанналсса дия, мунил ларсунни яла чIяруми завардугу. ХьхьичIмур ххуттай бия Хасавюртуллал спортшколалул тарбия бувми, миннал ларсунни 5 мусил медаль. КIива цалчинми кIанттурду бувгьунни Ингушетиянал вакилтурал. Ца-ца мусил медаль ларсунни Чачаннал республикалиясса лачIунуккул, МахIачкъалалиясса ва Къарабудахккантуллал райондалия­сса спортсментурал.