Сентябрьданул 13-нний МахIачкъалалив хьусса жагьилтурал дянивсса Дагъусттаннал дзюдорал первенствалий цалчинсса кIану
бувгьунни Ккурккуллал шяравасса Робертлул арс ХIажимурад Магьдиевлул. ХIажимурад дуклай уссар МахIачкъалаллал №17 школалий 11-мур классраву. Дуклайгу уссар марцIну ххювардай.
А. Аьбдуллаева
ХIажимурад жуна кIулсса ва бусравсса Даниял Магьдиевлул арснал арсри. ХIажимурадлул нину-ппу, гъан-маччами дакIнихтунусса барчаллагь тIий бур ванал тренер Аьрабхан Аьлиловлухь, 17-мур школалул директор Аида Бабатовахь ва классрал каялувчи Жамиля Ханмурзаевахь, цала оьрчIал тарбиялул ялув бихьлахьисса захIматрахлу.
Жугу барча дуллай буру ХIажимурадлул ххувшаву. Ванияр бюхттулсса шачIанттайнгу лавхъун лякъиннав. Хъиндайдихьуну хьуннав.
