Лаващиял райондалий уттигъанну хьунни патриот балайрдал фестиваль-конкурс. Му хас дурну дия Дагъусттаннал партизаннал суккушиндарал тарихраву ца яла яргмунин ккаллисса Аьяккаккиннал талатаврин, цингу 100 шин хъанахъисса. Фестиваль цурдагу хьунни му талатавриву ххувшаву ларсъсса кIанттай.
Фестивальданий гьуртту хьунни Лаващиял, Ахъушиял, Дахадаевуллал, Сергокъалаллал, Къарабудахккантуллал районнаясса цайнува цивппа хьусса артистътурал.
Ва хьунни Лаващиял райондалул ва мунил лагма-ялттусса районнаясса инсантурансса байранну. Амма фестиваль-конкурсрал жюрилун бигьану бакъая хьхьичIунсса кIанттурду булунми язи бугьан, мукуннугу, лауреатътал кIива группалийх (хъаннил ва арамтурал) бавчIуну, жюрилул шайссаксса тIайлану щаллу бувунни цалва хьхьичI бивхьусса масъала.
Камилла АьбдурахIманова, ДГУ-лул филологиялул факультетрал ОЖ-лул 2-мур курсирал студентка
