Москавуллал турнирданий

[dropcap]С[/dropcap]абина Щайховал яла хьхьи­чIунмур кIану був­гьу­нни Москавлив хьусса щалвагу Аьра­сатнал спортив гимнастикалул фестивальданий.

ХI. Аьдилов
Фестивальданий хьуну бур личIину душварал дянив ва командарттал бяст-ччаллу. Да­гъусттанная лавгун бивкIссар МахIачкъалаллал 1-мур спортив гимнастикалул школалул ва Аьли Аьлиевлул цIанийсса спорт-школалул душру. Миннал ларсун дур личIи-личIисса журардал медаллу.

Миннавату яла хьхьичIунмур кIану бувгьуну бур Сабина Щайховал, му хьуну бур фестивальданул абсолют чемпионка. Мукунна арцул медаллу ларсун дур Мариян Эфендиевал ва Париза Шихзагьировал. Аьйшат Иллаевал бувгьуну бур 3-мур кIану, личIину душварал дянив ччаллий бувккун.

Командарттал дянивсса бяст-ччаллаву МахIачкъалалиясса Мариян Эфендиевал, Сабина Щайховал, Ума КIурамахIаммадовал ва Сумая ХIажиевал бувгьуну бур 1-ми кIанттурду 3-мур разрядрай.
Дагъусттаннал командалул 2-мур чIава жагьилтурал (юноши) разрядрай бувгьуну бур 3-мур кIану.