[dropcap]С[/dropcap]ентябрьданул 15-нний МахIачкъалалив личIи-личIисса майданнай Дагъус­ттаннал миллатирттал Цашиврул кьинилун хасъсса шадлугъру хьунни.Аь. Аьлиевлул цIанийсса Спорткомплексраву­сса агьаммур шадлугъ дакъасса, кIюрххия ахттакьуннин тя­хъашивуртту най дия хъуншагьрулул паркирдавугу. Байрандалул щаллусса кьинилул жям дуллалисса хъунмур мажлисгу му кьини Оьруснал театрданул хьхьичIсса майданнив хьунни.

---

З. АьбдурахIманова
Шиккун, мюрщи-хъуни къакуну, бавтIун бия чIявусса халкь – хъунмурчIин жагьи-жугьулт, студентътал.

Шадлугъ тIитIаврил мукъуву шагьрулул бакIчи Салман Дадаевлул, циняв шиккун бувкIми барчагу бувну, кIицI бувна МахIачкъала жагьилтал гьарзасса, республикалул гьарцагу шагьрурдаясса, щархъавасса оьрчI-душру дуклакисса шагьру бухьувкун, байрандалул кьинилул махъва-махъмур бутIа вайннан хас бувсса бушиву.
«Жула республикалул хъуншагьрулий бур ряхва вуз, цивугу азарахъул студентътал дуклакисса. Шагьрулул гьунттий­сса кьинигу зул, жагьилтурал, биялалийн, хIарачатирттайн ва тIайлабацIулийн хъарсса дур», — увкунни ванал.

Хъирив сахIналий цала гьунарду ккаккан бунни эстрадалул вакилтурал ва къавтIаврил ансамбльлал. Вайннавух бия Нурианна Къаллаева, Даниэл Гьарунов, Ирина Аьлишихова ва цаймигу жагьилсса балайчитал, ну­гъайнал миллатрал къавтIавурттал «Айланай» тIисса ансамбль ва цаймигу. Концерт къуртал хьунни шагьру чанна лахъан буллалисса хъунна­сса салютрайну.