[dropcap]С[/dropcap]ентябрьданул 14-нний МахIачкъалалив «Сарикъум» бизнес-отельданий хьунни «Бургъил зума.
Лябуккулул дайдихьу» тIисса Халкьуннал дянивсса чирилул ххюйлчинсса форум. Ванил сакиншинна дурну дур «МарцIсса дакI» тIисса фондрал, «РахIму-цIимилул дустал» тIисса ассоциациягу чIарах бавцIуну.
З. АьбдурахIманова
Дурусну ххюлчинсса шинни вана укун Аьрасатнал регионная ва жула чIаххуврайсса чил паччахIлугъирттаясса чирилул сакиншиннардал вакилтал цачIун хъанай, цанма кIулмур кIибачIлай ва цанна аьркинсса кIулшивурттал хъирив буклай.
Форум тIитIлай ва хъамаллурахь баврув тIисса ва шиккун бучIаврихлу барчаллагь тIисса махъру лавхъуна «Бургъил зума. Лябуккулул дайдихьу» фондрал хъунмур Мисиду Садруттиновал ва «РахIму-цIимилул дустал» ассоциациялул каялувчи Тимур ХIажижараевлул.
Коммерциялул дакъасса сакиншиннардал ва паччахIлугърал цачIуну дуллалисса чирилул давурттан хасъсса форумрал лагрулийсса «ккуркки столданух» гьуртту хьунни ДР-лул захIматрал ва социал лябуккулул министр Изумруд МухIуттинова, Минздраврал хъунмур педиатр Марина Халимбекова, Кировский райондалул опекалул отделданул хъунмур Ума Исяева, оьрчIал ихтиярду дуруччаврил жаваблув Марина Ежова, жяматийсса ишккакку Маржана ХIасанова ва чирилул фондирттал правлениялул хъунама ХIасан Нальгиев.
ЧIявуя гьурттучитурал цаннахьхьун цаннал буллалисса суаллу ва цинявннан мюнпат-хайрсса ихтилатру.
Форум жула республикалий най бивкIссар шанна кьини. Вай гьантрал дянив хъамаллуравухсса экспертътурал ва спикертурал гьурттучитуращал дурунни тренингру ва мастер-классру.
