Хъунмур къулагъас – хъунмур никирах

Августрал 7-нний ДР-лул ХIукуматрал Председатель Артем Здуновлул дунни ДР-лул БакIчиначIасса Республикалул стратегиялул лябуккулул ва

проектирдал иширттал советрал батIаву. Ххал диргьунни «Демография» тIисса проект.


ХьхьичIмахъ лахълай, Артем Здуновлул дакIнийн бувтунни гьашину Дагъусттаннай дузрайн дуккан дуллай бушиву 12 национал проектравасса 10, миннун харж дувантIий бур 18,5 млрд. къурушрал. Миннуяту 15,8 млрд. федерал бюджетрал арцу дур, 1,2 млрд. – республикалул арцу, 1,5 млрд. лякъин аьркин­ссар цайми кIанттурдая.

«Демографиялул» тIисса нацпроект дузрайн дуккан даврил хIакъираву бувсунни ДР-лул захIматрал ва социал иширттал министнал 1-ма хъиривчу Ибрагьин Зайнуллаевлул. Ихтилатчинал бусаврийну, му проектрал лагрулий Дагъусттаннай бартдигьлай бур 5 регионал проект: «ОьрчIру бувний кулпатран арцуйнусса кумаг баву», «Системалийнусса кумаграл программа, хIадургу дурну, бартдигьаву ва хъунмур никирал инсантурал багьу-бизу ххуй-хъин баву», «Хъаннин давурттал дузал хьун кумаг баву – 3 шин хьуннинсса оьрчI-бакI садик-яслирдал дузал баву», «Инсантал цIуллусса оьр­мулийн кIункIу бансса ххуллурду хIасул баву», «Агьали спортрахун бичинсса шартIру дузал даву».

Министрнал 1-ма хъиривчунал бувсунни мукунма ми проектру цукун бартдигьлай бу­ссарив.
Ххал дигьаврил хIасиллу дуллай, Артем Здуновлул тапшур бунни хъунмур къулагъас дуллан хъунмур никирах.
Мура Советрал батIаврий ххал диргьунни «Дуккаву», «Культура» тIисса национал проектру дузрайн дуккан даврил масъаларттугу.