Авгъуст зурул 10-нний, Кьурбан- байран дайдишин хьхьичI кьини, МахIачкъалалив Пушкиннул цIанийсса
кIичIираву (Ярагъскийл ва Леваневскийл кIичIиртту хIала бувхсса кIанттай) дикIантIиссар республикалул шяраваллил хозяйствалул ярмукIа, цурдагу Шяраваллил хозяйствалул министерствалул ва МахIачкъала шагьрулул администрациялул ва республикалул районнал хъуниминнал уртакьну хIадур дурсса.
Баян бунни ва ярмукIалий дуки- хIачIиялул бакIлахъру базаллувунияр 20 процентрал кьюркьунугу дикIантIишиву ва чIяруми цIусса, ххуйсса дикIантIишиву.
Шагьрулул агьлу ва хъамал машан ларсмуний рязину личIантIишиврий дакI дарцIуну бур ярмукIалул сиптачитал ва ххуйсса маша бан ласун бухьхьияра тIий бур.
П. Рамазанова
