Конкурсрай гьуртту хьун личIи бувссар 248 школа

[dropcap]И[/dropcap]юльданул 23-нний ДР-лул БакIчи Владимир Васильевлул дунни паччахIлугърал властьрал органнал каялувчитуращалсса батIаву. Муний ххал бивгьунни «150 школа» тIисса проект дузрайн дуккан даврил масъала.


Муния ихтилат бунни ДР-лул экономикалул министрнал буржру чIумуйсса бартбигьлагьима ХIажиамин Рамалдановлул. Мунал тIимунийну, гьашину бакIуйн дуккан дурну дур субсидияртту ласунсса муниципал сакиншиннардал проектру конкурсрай личIи даврин хасъсса даву. Конкурсрай гьуртту хьун бивтун бивкIссар 46 муниципал сакиншинналиясса 248 школа – 37 райондалийсса ва 9 шагьрулийсса. Субсидияртту буллалиссар республикалул бюджетравату ца школалун 2 млн. къуруш хIисавну. Миннуяр ххишала муниципал бюджетраватугу миккун дичин аьркинссар субсидиярттал 5%-яр къачансса ва ялагу меценатътурал дичин аьркинссар проектрал багьлул 15% арцул.

Масъалалул хIакъираву ихтилат буллай, ДР-лул дуккаврил ва элмулул министр Уммупазил Оьмаровал бувсунни «100 школа» тIисса проект дузрайн ду­ккан даврил лагрулий бювхъуну бушиву бакьин буван таман­сса школартту. Яла ихтилатру бувсса МахIачкъала шагьрулул, Тарумовкаллал, Буйнакскаллал ва Гергебиллал районнал бакIчитурал бувсунни сентябрьданул 1-нин цинярда пландалий ккаккан дурсса давуртту бартдигьин тIий бушиву. Миннал кIицI бунни ми давурттал жаваб цайнна ласласишиву.