ДР-лул Россельхознадзорданул Управлениялул зузалтрал хъуннасса къулагъасрайн ларсун ххал дигьлай бур теплицардал хозяйствардал аьрщив. Вай аьрщив ххал дигьаврил мурад бур, карантин баян бувсса, заралсса ущу-щулгъирду ва минераллу аьлтту баву.
ХIакьинусса кьини Управлениялул зузалтрал ххал диргьунни МахIачкъалаллал, Буйнакскаллал, Къаяккантуллал, Къизилюртуллал, Хасавюртуллал, ЦIуссалакрал ва МахIарамккантуллал районнайсса 170-нния ливчусса гектарду аьрщарал. Шинал дайдихьулия шихунмай аьлтту хьуну бур заралсса ущу-щулгъи ппив хъанай бушиву.
Цаппара парникру налогру дулайсса хIукуматрал сияхIрай бакъашиврийн бувну, Управлениялул зузалтраща ххал бигьин бюхълай бакъар. Мунияту миннул заллухъруннан цивппа ялув бацIан аьркинссар. КIулну бикIан аьркинссар кьанивсса аьрщарай чIявусса заралсса ущу-щулгъи гьарза хьунсса шартIру чIярусса душиву. Мунияту, заралсса ущу-щулгъи бухлаган буллалисса давуртту цIу бутIуйра дачин дан аьркинссар.
Нажагьлий, карантин баян бувсса, заралсса ущу-щулгъи бусса аьрщив хIисав хьурчан, анаварсса мутталий баян бан аьркинссар Республикалул Россельхознадзорданул Управлениялийн ва телефондалий: 8(8722) 78-03-04, ягу МахIачкъалаливсса Белинскийл цIанийсса 10-мур кучалийсса ФГБУ «ВНИИКР» лабораториялул филиалданийн: 8(8788) 67-28-26.
Шиккува кIицI лаган, республикалий теплицардал хозяйствардал аьрщив ххал дигьайссар июль барз байбишиннин. Ва идаралул 2018 шинал ххал диргьуну дур 30 гектар аьрщарал.
