«Халкьуннал» («образцовый») тIисса цIа тасттикь дуллалисса инструментирттал коллективирттал Республикалул ккаккия-конкурс хьунни МахIачкъалалив. Му сакин дурну дия ДР-лул Культуралул министерствалул ва Республикалул Халкьуннал творчествалул къатлул.
Бадрижамал Аьлиева
Конкурсрай гьуртту хьунни МахIачкъала ва Избербаш шагьрурдаясса, Лакрал, Лаващиял, МахIарамккантуллал, Тарумовкаллал, Ахттиял, Дарбантуллал, Къайтагъуллал, Къумтуркъалаллал, Къизлардал, Сергокъалаллал, Сулайман-Стальскаллал районнаясса музыкантътал. Миннал пагьмулун кьимат бишлай бия республикалий ва мунил кьатIув цIа ларгсса пишакартал. Гьарцагу коллективрал, миннувух Лакрал райондалиямунилгу, лайкьну ккаккан дунни цалла-цалла районну ва тасттикь бунни цивппа мяйжаннугу «халкьуннал» тIисса цIанин лайкьсса бушиву.
[dropcap]Я[/dropcap]зими коллективру гьуртту хьунтIиссар февральданул 26-нний Къумукьнал театрдануву хьунтIисса «Играй, душа!» тIисса ХIII Дунияллул халкьуннал дянивсса фестивальданий.
