Февральданул 20-нний ДР-лул ХIукуматрал батIаврий ххал диргьунни ларгсса шинал республикалул хъуслий каялувшиврул давурттал хIасиллу ва гьашинумур шинал давурттал план.
Муний хъунмур махъ лавхъунни ДР-лул ХIукуматрал Председательнал хъиривчу, аьрщарал ва хъуслил арардал министр Екатерина Толстиковал. Мунил тIимунийну, ДР-лул паччахIлугърал хъус ишла даврил мюнпат лахъ баву мурадрай, цIакь дурну диркIссар дан аьркинсса давурттал план (ххуллул карта). Цинярда ккаккан дурну диркIссар 19 журалул давуртту. Миннува яла агьаммину дур ДР-лул паччахIлугърал хъуслил реестрданул система ххуй-хъин даву. Мунил лагрулий цила низамрайн бувцуссар законнал норматив база. Дузал бувссар информациярттал портал. Хъуслил циняв объектру му порталданий дишинтIиссар, щалва миннуясса информациягу му порталданий бикIантIиссар.
Екатерина Толстиковал бувсунни мукунма архивращалсса давурттаяту, паччахIлугърал хъуслил хIисав-ккал даврил давурттаяту, паччахIлугърал унитар предприятиярттал каялувшиврул зузалтрал иш-тагьарданияту, аьрщарал участокирттал инвентаризация даврил тагьарданияту. Масъала ххал бигьаврил хIасиллу дунни ДР-лул Председатель Артем Здуновлул.
