Щала Аьрасатнавух кIама бивщусса лакраву чIявусса бур пишалул бурж ккаккиялунну биттур буллалаврийну дагъусттанчунал лажингу, цIа-кьинигу дуручлачисса пахрулунсса арсру.

Миннавасса ца ур Къяннал шяраватусса ХIажимахIаммадов Энгельс МахIаммадлул арс — полициялул полковник.

---

Энгельс ххуйну кIугу кIулссар, ччянива бусравгу хьуссар чIаххувсса республикарттал агьулданун. Зий ивкIссар Чачаннал хIукуматрал къаралданул хъунаману, Къабардин-Балкьарнал паччахIлугърал мюнчаншиву дуруччаврил центрданул каялувчину, Аьрасатнал МВД-лул департаментрал каялувчину. 2011 шиная шихунай Энгельс зий ур Ингушнал Республикалул виваллил иширттал министрнал хъиривчуну. Къуртал бувну бур Аьрасатнал МВД-лул Академия ва Аьрасатнал ПрезидентначIасса РАГС (Российская Академия государственной службы).

[dropcap]В[/dropcap]анал хIалал дурну дур тамансса ларайсса наградартту. Лайкь хьуну ур Чувшиврул ордендалун. КIира наградалул ттигу авадан хьунни ванал наградарттал къурши: духмур шингу наградалущал тIайла дур­ккунни, цIусса шингу наградалия дайдирхьунни. Декабрь зурул ахирданий ванан дуллунни Аьрасатнал МВД-лул бусрав­сса зузалал цIа. Вай гьантрай Ингушнал Рес­публикалул БакIчи Юнусбек Евкуровлул Энгельс ХIажимахIаммадовлул хъазамрай ларчIунни орден «За заслуги перед Республикой» ДакIнийхтуну кIи дачIлай буру
Энгельслущал хъуннасса ххаришиву. Барачатшиврущал дурххун лякъиннав наградарр­тту вил ужагърайн!