Январьданул 7-нний Дагъусттаннал БакIчи Владимир Васильев увкIунни МахIачкъалаллал Свято-Успеннул хъун килисалувун, Ися идавс дунияллийн ляхъаврин хас дурсса богослужениялий гьуртту хьун.
Шадлугърал мероприятиялий мукунма гьуртту хьунни ДР-лийсса хъунама федерал инспектор Алексей ХIасанов, ДР-лул Халкьуннал Мажлисрал председательнал хъиривчу Елена Мельникова, ДР-лул ХIукуматрал вице-премьертал Рамазан Жяъпаров ва Владимир Лемешко, цаппара министртал ва цаймигу.
МахIачкъалаллал ва Грозналлал архиепископ Варлаамлул килисалувун бувкIминнахь бувсунни Христос дунияллийн ляхъаврил байрандалийн бучIан къавхьуминнан цIими ва ччаву, ххирашиву чIа учин аьркиншиву. Мунал мукунна дунни ларгмур шинал давурттал хIасиллугу. Варлаамлул дакIнийн бувтунни Къизлардал ва Грозналлал ахIрамирттаву хьусса бала-апатIсса ишру. Яла мунал барчаллагь увкунни Республикалул БакIчинахь Хъун килисалувун учIаврихлу.
Владимир Васильевлул барча бунни республикалул циняв хачпараснал дин дуллалими ва килисалул хъунама.
