Декабрьданул 25-нний Р. ХIамзатовлул цIанийсса Национал библиотекалий хьунни яла хъуннамур фестиваль-выставка «Мир талантов» цIанилусса.
Му сакин дурну дия Республикалул Халкьуннал творчествалул къатлул ва Национал библиотекалул гьурттушиврийну, «Самородки» тIисса цIанилусса Республикалул проектрал лагрулий.
Бадрижамал Аьлиева
Ккаккиялун дирхьуну дия цайнува цивппа хьусса 27 художникнал дирхьусса 120 сурат. Миннуй цилла дуцири яргсса рангирдай пперха тIий дия зунттал тIабиаьт, шяраваллил кIичIиртту, яттил ттурзаннащалсса хIухчалт, щинав бувкIсса зунттал душру ва цаймигу зунттал инсантурал оьрмулувасса суратру. Дия жулла республикалул культура, тарих чIалачIи буллалисса суратругу.
[dropcap]В[/dropcap]ыставка тIиртIуна ДР-лул культуралул министрнал хъиривчу, Республикалул Халкьуннал творчествалул къатлул директор Марита МухIадовал.
Выставкалий гьуртту хьусса художниктураву яла чIаваманан дия 15 шин, яла хъунаманан – 86 шин. Художниктурава чIявуми бур сурат дишаврия архсса пишардал усттартал: хIакинтал, инженертал, бухгалтертал, шаэртал, чичулт ва м.ц.
Ва выставкалий гьуртту хъанахъисса художниктуравух бия ХIажи Сунгъуров, Ссугъури Увайсов, Илияс МахIаммадов ва цаппарасса цаймигу лак.
Выставка лахъи лагантIиссар январьданул 31-ннийнин.
