ДР-лул Ишбажаранчишиврул ва инвестициярттал агентствалул каялувчи ХIасан ХIажиев кIул хьунни республикалий инвестициярттал проектру бартдигьаврил тагьарданущал.
Ведомствалул каялувчи цIу бутIуй ивунни гипс байсса ва гипс хIаласса стройматериаллу дайсса завод буллалисса кIанайн. Завод буллай бур Буйнакскаллал районналий Кафир-Кумух тIисса шяравалличIа (ООО «Матис»).
Му проект дузрайн дуккан дуван дукIу ккаккан дурну диркIссар 561,8 млн. къуруш, миннувату 218,6 млн. къуруш – федерал бюджетрава, 11,5 млн. къуруш – ДР-лул бюджетравату, 331,1 млн. къуруш – къабюджетрал кIанттурдаясса арцур. Завод бувну зун бивкIукун дуккан дуллантIиссар 150 азарда тонна гипсрал ва гипс хIаласса материаллал. Дузал бантIиссар 209-нния ливчусса зузи кIану. Гьар шинах бюджетравун дучIан дуллантIиссар 145 млн. къурушрал.
Яла ХIасан ХIажиев увкIунни «СК Аква» ООО-лийн, Къизлардал райондалий бартдигьлай бур ЯтIул балугъру лувгъи байсса ва лухIи уллухъ ласайсса ттизаманнул бярдал комплексрал проект. Агентствалул каялувчи увкIунни «Дагфос» АО-лийнгу. Ва бур Аьрасатнаву обогащенный суперфосфат ва дикальция фосфат байсса бувагу ца завод Къизилюртлив. Микку дуккан дуллай бур фосфорданул оьргъашиву.
Муния махъ ХIажи ХIасанов ивунни КIикIуниннал консерварттал заводрайн, тикку дуккан дуллай бур ахъулссаннул ва ахънилссаннул консервартту, сокру. Ва бур ттизаманнул яла хъунмур завод, мунил кутак дур шинай 30 муб. ЦIана тикку зий ур 130 инсан. Ми заводирттайн ивну махъ Агентствалул дузал буллай бур инвестициярттал проектирдал сиптачитуращалсса масъалартту.
