«2009-2018 шиннардий АьФ-лий телерадиовещаниялул хьхьичIуннайшиву» тIисса федерал программалул лагрулий Дагъусттаннай цифрардал эфирданул телевещаниялул сеть дузрайн дуккан дурссар.
ХIасан Аьдилов
2019 шинал январьдания июньдалийннин шанна чIумух (февральданул 11-нний, апрельданул 15-нний ва июньдалул 3-нний) аналограл телевидение дучIан дантIиссар цифралулссаннуйн. Информациялул экран ккаккан буллантIиссар ца нюжмардий, яла передатчик лакьинтIиссар. Муния махъ республикалул циняв ялапарлувтурачIа ккаккан дуллан аьркинссар 20 цифралул телеканал.
ЦIанасса ппурттуву цифралул телеканал жулла республикалий дакъассар 26 райондалийсса 138 шяраву, микку ялапар хъанай ур 54 705 инсан. Ми шяраваллаву ДР-лул Информациялул, связьрал ва массовый коммуникациярттал министерствалул, ДР-лул Жагьилтурал министерствалущал ва районнал администрациярттащал цачIу сакин дурссар волонтертурал даву.
Ми занай буссар, гьарца къатлувун бухлай, цифрардал телевидение дакъашиврул сававртту кIул даву мурадрай. ЦIанасса ппурттуву волонтертал зий бур Ахъушиял, Лаващиял, Табасараннал ва Ххунзахъиял районнай. Яла зунтIиссар цаймигу районнай. Муния махъ ххал бигьинтIиссар спутникрал аьркиншин ишла даврил хIакъиравусса масъала.
