[dropcap]М[/dropcap]ахIачкъалалив Къумукьнал театрдануву хьунни ДР-лул ХIукуматрал «Душа Дагестана» премиялун 2018 шинал лайкь хьуми барча буллалисса батIаву ва гала-концерт. Шадлугърал сакиншинначитал бия ДР-лул Культуралул министерство, Рес­публикалул Халкьуннал творчествалул къатта.

Бадрижамал Аьлиева
Ва премия дуллалиссар конкурсрал гьанулий вай номинациярттай: «Халкьуннал къавтIаву», «Халкьуннал балай», «Халкьуннал музыка», «Халкьуннал аьдат­райсса культура», «Халкьуннал усттар», «Халкьуннал театр», «Халкьуннал музыкалул инструмент», «ЧIава гьунар».

Ва шиналсса премиялун лайкь хьунни халкьуннал творчество дуруччавриву, хьхьичIуннай давриву захIмат бивхьусса 15 инсан. Гала-концертрал дайдихьу дунни «Эхо гор» къавтIаврил ансамбльданул. Залданувун бавтIминнахь, халкьуннал культура ххираминнахь, му дуруччаврил ххуллий захIмат бихьлахьиминнахь барчаллагьрал ххуллийсса махъ лавхъуна ДР-лул культуралул министр Зарема Буттаевал. Мунилгу, Респуб­ликалул Халкьуннал творчествалул къатлул директор Марита МухIадовалгу, барчагу бувну, лауреатътуран буллунни дип­ломру.

Лакралми районная 2018 шиналсса «Душа Дагестана» премиялун лайкь хьунни кIия инсан: Лакрал райондалия – АьлихIажи Щамхалов, «Халкьуннал балай» номинациялий; ЦIуссалакрал райондалия – Таибат Къаллаева, «Халкьуннал театр» номинациялий.
Барча зул премияртту, халкьуннал аслийсса культуралуха зузимий!