Гьашину январьданул 1-нния шинмай Дагъусттаннай электроэнергиялулсса багьри лахъ хьунни, НДС-рал ставка 18 процентрая 20 процентрайн лахъан баврицIун бавхIуну ва республикалул тарифирттал къуллугърал хIукмулийн бувну.

Утти дукра газрал пIилитIар­ттай дайсса къатраву январьданул 1-нния махъ ччувччусса токрах дулавантIиссар 2 къуруш ва 52 кIапIикI, июльданул 1-нния махъ – 2 къуруш ва 58 кIапIикI.
Дукра дуван газрал пIи­литIарттан кIанай токрай ла­хъайсса пIилитIартту дусса къатрал заллухъруннал цалва ччувччусса токрах дулавантIиссар январьданул 1-нния шиннай – 1 къуруш ва 76 кIапIикI, июльданул 1-нния махъ – 1 къуруш ва 81 кIапIикI.
Токрахсса багьри гьашину лахъ бувссар 2 ятIапрай: цал январьданул 1-нния тIайла хьуну, яла – июльданул 1-нния махъ.
Газрахсса багьа (тариф), цаймигу коммунал хIаллихшинналсса кунма, гьаз хъанахъиссар гьашину 2 ятIап­рай: январьданул 1-нния шинмай ва июльданул 1-нния махъ.
ЦIусса тарифру бавхIуну бур налограл ставкарду лахъ шаврицIун. ЦIусса шиная махъ ччувччусса газрахсса багьа хьу­ссар 5 къуруш ва 31 кIапIикI 1 куб. метралух. 2018 шинах бурувгун багьа ххи хьуссар 8 кIапIикIрал, ягу 1,5%.