ЦIусса шин дикIу, цайми-цайми ххарисса асардацIун дархIусса байранну дикIу, къаххаришиврийн кIура дарну къаля­къиншиврул мудангу бурувччуну бикIан аьркинссар апатIирттая ЦIусса шинал байрандалул гьантрай цIарайну зарал бивсса, хIатта оьрмурдацIа хьусса ишругума чан къашай.

Мунияту, чIявусса инсантал бавтIун, байрандалул мажлис буллалисса кIанттурдай личIлулшиву ххишаласса дикIан аьркинссар.
Му мурадрал ххуллий ххуй-хъинну лякъинссар тIий буру вай цаппара маслихIатру:
— зузалтращал мюхчан шаврил хIакъиравусса инструктаж дан;
— цIарая мюхчан хьун ялув бацIаву дайсса паччахIлугърал органная ихтияр ласун аьркин­ссар елка бишинсса ва чIявусса халкь бавтIсса мероприятияртту дансса;
— мажлисрайн бавтIминнал ккал ца инсаннан 0,75 кв.м. диянуксса дикIан аьркинссар;
— ххал бан аьркинссар къатрава буккансса цинявппагу ххуллурду;
— цIу лачIун, ччуччин бюхъай­сса декорациярттайх цIарая дуруччайсса затру дугьан аьркин­ссар;
— цIарая мюхчан хьунсса инструкция хIадур бан аьркинссар;
— балики цIу лачIурча, инсантуран баян баврил ва ми кьатIув буккан баврил низам дикIан аьркинссар;
— цIу ларчIукун леххаву рутайсса сигнализация саргъунну зий дурив-дакъарив ххал дан аьркинссар;
— саргъунну зий бурив ххал бан аьркинссар чирахъру;
— инсантал бавтIсса кIанттурдай чара бакъа икIан аьркинссар идаралул администрациялул вакил;
— ххал дан аьркинссар диялну дурив цIу лещан дан аьркин дагьаймур;
— саргъунну зузи дан аьркин­ссар телефон.
Е.А. ХIамзатов,
виваллил къуллугърал майор

ХIадур бувссар
А. Аьбдуллаевал