[dropcap]В[/dropcap]ай гьантрай республикалий хьунни «Миллатирттал дусшиврул цашиву» тIисса цIанилусса 9 шагьрулул ва 31 райондалул оьрчIру гьуртту хьусса конкурс. Ва конкурсрай ахттаршиннарду дуллай бивкIсса 476 даврива финалданийн дурккунни 45 даву.

Имара Саидова
ЦIуссалакрал райондалул чулуха гьуртту хьусса Шушиннал школалул буттал улча ла­хьхьаврил кружокрал член, 9-мур классраву дуклакисса Камила Султановал ва мунил каялувчинал дурсса ахттаршиндаран лавайсса кьимат бивщунни конкурсрал жюрилул. Яла лаваймур бия 50 балл. Султановал даврин буллунни 45,4 балл. Ванин буллунни ДР-лул КIулшивуртту дулаврил министерствалул 1-мур даражалул диплом.

Камила улча лахьлай, ах­ттаршиннарду дуллай байбивхьуну бур 2017 шинал. «ЧIирисса чIумул дянив ванил ларсун дур ххюра награда ва барчаллагьрал чагъарду – вай ванил оьр­мулул ххуллул дахьрасса дайдихьурттур, уттигу кIира шинай хIарачат бан аьркинссар дуллалисса даву бакIуйн дуккан дан», — тIий, буслай бур Султановал элмийсса каялувчи.