Грантру ласаврил хIасиллу

Грантру ласаврил хIасиллу

Декабрь зурул 23-нний хIасиллу дунни 2018 шиналсса ДР-лул БакIчинал грантру ласаврил конкурсрал.

Имара Саидова
КIулшивуртту дулаврил аралувусса Президентнал грантру ларсунни ДГУ-лул кафед­ралул каялувчи МахIаммад ТIалхIатовлул, ДГУ-лул профессор Анжела Дамадановал, Буйнакс шагьрулул 19-мур оьрчIал багърал хъунмур Аминат Каримовал, ДГПУ-лул факультетрал декан Эльмира Рамазановал, итххявх­сса оьрчIансса Республикалул чIявупрофильданул лицейрал дуклаки оьрчI АхIмад Халикьовлул, Аьрасатнал шяраваллил хозяйствалул академиялул студент Малик ГъазимахIаммадовлул, ДГПУ-лул профессор Шайдабаг Мирзоевлул ва Оьргърал А.М.

АьвдурахIмановлул цIанийсса искусствардал школалул.
Элмулул ва техникалул цIу­шиннардал аралувусса грантру дуллунни ДГТУ-лул факультетрал деканнал хъиривчу Ханзада Зайнулаьбидован ва Да­гъусттаннал паччахIлугърал медициналул университетрал хIадур дурсса проектирдан.
ЦIушиннардал хIакъира­вусса проектирдансса грантру дуллунни ДГТУ-лул доцент МахIаммадпаша АхIмад­пашаевлун, ДР-лул федерал аграриялул элмийсса центрданун. Элмулул аралувусса басмаханалул проектру дузрайн ду­ккан даву мурадрайсса грантру ларсунни А. Тахо-Годил цIанийсса педагогикалул элму ахттар дай институтрал директорнал хъиривчу Мисиду Шурпаевал.

Культуралул ва искусствалул творчествардал коллективирдал проектирдал чIарав бацIаву мурадрайсса грантру дуллунни Салаватовлул цIанийсса Къумукьнал театрданун, Дагъусттаннал опералул ва балетрал театрданун, миллатирттал культура хьхьичIуннай даврин хас дурсса А. Тахо-Годил цIанийсса ДР-лул Миллатирттал музейран.
Президентнал грант дуллунни миллатирттал лаххия ядаву ва дуруччаву мурадрайсса Тэйли Кагировал проектран.
Жагьилтурал политикалул иширттал хIакъиравусса грант ларсунни Руслан Нукеровлул. Миллатирттал мазурдий­сса СМИ-лул даврил аралувусса грантру ларсунни «Дагестан» ВГТРК-лул лакку мазрайсса передачарттал хъунмур редактор Тамара Закаръяевал. Экстремизмалул идеологиялул нигьачIаврия бувчIин бавуртту дуллалисса передачарттахлу – «Дагестан» ВГТРК-лул ведущая Елена Еськинан ва м. ц.
Мукунна Республикалул БакI­чинал грантру ларсунни чIири бизнесрал ва жяматийсса иширттал даврил аралувугу.

Читайте также: