МахIачкъалалий Расул ХIамзатовлул цIанийсса Национал библиотекалуву тIиртIунни «СувенирЭКСПО 2018» цIанилусса регионнал дянивсса выставка.
Имара Саидова
[dropcap]В[/dropcap]ыставкалул сакиншинначитал хьунни «Анжи-Эскпо» выставкардал компания. Мунил директор Мукаил Исмяиловлул бувсунни халкьуннан къулайшиву даву мурадрай тIиртIушиву выставка. «Анжи-Экспо» компаниялул уттинингу дурссия строительствалун хас дурсса кIира выставка.
ЦIусса шинал байрандалун хас дурсса выставкалий гьуртту хьунтIий бур личIи-личIисса регионнаясса 30 компания.
Выставкалий гьарца компаниялун ккаккан бувну буссар цалла-цалла кьай-кьуй даххансса мурцIурду.
Агьалинаща кьювкьусса багьлий ласун бюхъантIиссар арцу-мусил чIюлушиннарду, жура-журасса аьнтIикIасса бахшишру, усттартурал каруннил дурсса кьай-кьуй, елкарду балжинмур.
Выставка най дикIантIиссар шанма гьантлий.
