[dropcap]О[/dropcap]ктябрьданул 29-нний Госдумалуву «Аьрасатнал Федерациялул мазурдил чIявушиву. ХIакьинусса тагьар ва миннул ялунбучIантIимур» тIисса мяъна-мурадрал ихтилатирттах вичIирхьусса Парламентрал батIаву хьуну дур.Ваний гьуртту хьуну бур ДР-лул Халкуннал Мажлисрал председательнал хъиривчу Камил Давдиев ва ДР-лул миллатирттал политикалул министр­нал буржру чIумуйну биттур буллалисса Татьяна Гамалей.

З. АьбдурахIманова
Миллатирттал иширттал­сса буллалисса комитетрал председатель Илдар Гилмуттиновлул чIурчIав дурну дур Аьрасатнал миллатирттал мазру буруччавричIан гъан хьун аьркиншиву хъинну мугъаятну ва жаваблувну.
Билаятрай чIявусса миллат­ру яхъанахъаврих ва миннал культурардах хIукуматрал дуллали­сса къулагъасрая, миллатирттал мазру буруччин ляхъла­хъисса чаранная шикку бувсун бур КIулшивуртту дулаврил ва элмулул комитетрал председатель Вячеслав Никоновлул.

[dropcap]В[/dropcap]анал бусаврийну, миллатирттал мазурдийсса луттирду итабакьавриха ва ниттил мазрал дар­сру дихьлансса пишакартал хIадур бавриха зунтIиссар цIуну сакин дур­сса Миллатирттал мазру буру­ччаврил фонд.
БатIаврий кIицI бувну бур ва фондрал хьхьичIва-хьхьичIсса мурад билаятрал Ухссавний, Ссивирнаву ва Дальний Восток­рай яхъанахъисса мюрщи миллатирттал мазру буруччинсса бушиву. Вай пикрилий бусса бур ниттил мазрал дарсру дишайни ишла дуллан электрон журалул дарсру ва ниттил мазурдил дарсирдал сий лахъ дуллалавриха зун.