[dropcap]О[/dropcap]ктябрьданул 26-нний ДР-лул ХIукуматрал Председатель Артем Здуновлул каялувшиврий хьунни
инвестициярттал проектру дузрайн дуккан дуллалисса инвестортуран паччахIлугърал чулухасса кумагрансса конкурсру баврил Республикалул комиссиялул батIаву.
ХI. Аьдилов
ДР-лул Ишбажаранчишиврул ва инвестициярттал агентствалул каялувчи ХIажи ХIасановлул тIимунийну, кьутIилул процессуал чIун чIарах дуккаврийн бувну 25 компаниялул инвестициярттал проектру приоритетшиврул (агьамшиврул) статусрацIа хьуссар. 2 проектрал кьутIи къачирчуна лирчIссар ккаккан дурсса чIумал циняв аьркинсса документру булун къавхьуну тIий.
Бувсмунил хIакъираву комиссиялул члентурахь Артем Здуновлул увкунни: «Ми «рухI дусса проектрур». Жулва бурж бизнесран кумаг бавур». Яла батIаврий гьуртту хьуминнал ххал бивгьунни «ООО «Югагрохолдинг баву» ва «Дарбантуллал чахирданул ва коньякрал завод баву» тIисса ДР-лул инвестициярттал проектирдан приоритетшиврул статус булаврил масъала.
