[dropcap]О[/dropcap]ктябрьданул 30-нний ДР-лул БакIчи Владимир Васильев хьунаавкьунни Дагъусттаннай делегациялущал увкIун
ивкIсса ОАК-рал («Объединенная авиастроительная корпорация) президент Юрий Слюсардущал.
Юрий Слюсардул ва Владимир Васильевлул ххал диргьунни республикалул предприятиярттал промышленностьрал каширду, технологиялул даража ва производствалул сакиншиву, авиастроениялул давуртту хIала-гьурттуну дуллансса ххуллурду ххал бигьиншиврул.
«Ларгсса шинал жуща бювхъунни мюнпатрай ишла къадуллалисса харжлугъру чан дуван. Республикалул бюджет социал чулийсса бушаврияр ххишала, жу лякъарду лябуккулунссагу арцу. Ми дикIантIиссар хьхьичIми шиннардийнияр мукьлий ххишаласса. Мунияту жу гьарца проектрах ляличIисса къулагъас дуллай буру ва хIарачат буллай буру проектру бакIуйн дуккан дуван», — увкунни Владимир Васильевлул.
«ОАК» ПАО-рал Президентнал тIимунийн бувну, хIакьину Корпорациялул хьхьичI бихьлахьисса масъалартту дузал буван бигьасса бакъар. «Жу хIарачат буллай буру чил билаятирттал сурсатру чан дуван, мунийну жуща бюхълай бур жулла давурттаву лябукку хьун буллан. Жул корпорациялул хIарачат бур инсантал буххайсса ва транспортрал самолетру гьарзану дуккан дуллалаву. Пландалий бур экспортрал контрактру гьарза даву, мунийну жул корпорациялунсса заказру щаллу хьунтIиссар, щалва кооперациягу заказирттал дузал бантIиссар», — кунни Юрий Слюсардул.
Мунал бусаврийну. Дагъусттаннайн бучIаврил хъунмур мурад хьуссар граждан, транспортрал самолетру дуллалаву гьарта-гьарза даврил хIакъираву цачIусса планну хIадур даву.
Делегациялул гьурттучитал биянтIиссар «Концерт «КЭМЗ» ОАО-лийн, микку ххал бигьин тIий бур концерн ОАК-рал предприятиярттащал хIала-гьурттуну зузаврил масъалартту.
