[dropcap]Н[/dropcap]оябрьданул 14-нний Дагъусттаннайн къуллугърал аьрххилий увкIунни АьФ-лул Президентнал СКФО-райсса вакил Александр Матовников.
ДР-лул БакIчинащал архIалми бувкIунни Дарбантлив. Миннащал бия ДР-лул Халкьуннал Мажлисрал председательнал 1-ма хъиривчу СайгидахIмад АхIмадов, ДР-лийсса хъунама федерал инспектор Алексей ХIасанов, Дарбантуллал бакIчи Хизри Абакаров ва цаймигу.
Александр Матовников кIул хьунни Аьрасатнал аьвзалзаманнул шагьрулул ккаккан буван лайкьсса кIанттурдащал. Хъамал бивунни Нарын-Къалалийн ва Дарбантливсса «Петр I-манал къатри» тIисса музейравун.
Яла каялувчитурал ххал дунни 2016-2017 шиннардий кугьна хьусса къатравату инсантал бизан буван дурсса къатри, микку ялапар хъанахъиминнащал бунни ихтилатру.
