Абадлийсса щаву

Абадлийсса щаву

Дагъусттаннал жагьилтурал дянив терроризмалул ва экстремизмалул идеологиялийн къаршисса программалул лагрулий Республикалул дакьаврил фондрал делегация лавгунни 2004 шинал теракт 

хьуну диркIсса Беслан шагьрулул 1-мур школалийн. Делегациялувух бия Дагъусттаннал Дакьаврил фондрал правлениялул хъунама Мухтар Давудов, ванал хъиривчутал Зарема Калбулаева ва Саида Каримова, Дагъусттаннал халкьуннал хозяйствалул университетрал Жагьилтурал центрданул каялувчи Тимур Хъунбуттаев ва студентътал.


Зулайхат Тахакьаева
Та кьини дуклаки оьрчIру, миннал нину-ппу, учительтал — цинявппа 1128 инсан ширишилун увгьуну ивкIссар. Итакъабакьлай буллай хьуссар шанма гьантта. Хха­ссал буллалисса спецоперациялий ивкIуну ур 334 инсан, миннава — 185 оьрчI, учительтал, спецназрал зузалт ва ххассалбувулт. Мушакъат хьуну ур 72 оьрчI, мяйттуршуннайн дирну дур щавурду. Школалул директор Елена Ганиевал бусласимунийн бувну, чапхунчитураясса ццахлилнияргу , ширишилун бувгьуми азурда бувну бивкIун бур кIиришиврул ва мякьлил. ЩиначIан гъан хьун къабитлай бивкIун бур.
Цала ихтилатраву Мухтар Давудовлулгу дакIнийн дирчуна тахсир бакъасса инсантал оьрмурдацIа бувсса Дагъусттаннай хьуну диркIми терактругу.
Муния махъ музейрал директор Надежда Цалоевал хъамал бувцуна школалул музейравун ва хьхьичIвасса 1-мур школалийн. Мичча хъамал лавгуна та апатIраву ливтIуми бувччусса «Город ангелов» тIисса хIатталлийнгу, дирхьуна тIутIив.
Школалул директор Елена Ганиеван Мухтар Давудовлул буллунни Аьрасатнал Дакьаврил фон­рал диплом ва «Страшная сказка ДАИШ» тIисса луттирду.
Цала чулуха Дагъусттанлувтуралгу музейран пишкаш дурунни МахIачкъала ва Каспийск шагьрурдал художествалул школарттал оьрчIал дирхьусса суратру.

Читайте также: