Дагъусттаннал Халкьуннал цашиврул кьинилун хасну Къизилюртливсса тIайла бацIан баврил ва тарбиялул 8-мур колониярттай хьунни «Ца маз – ца тарих» тIисса мероприятие.
Шикку гьуртту хьунни Дагъусттаннал миллатрал политикалул министерствалучIасса Оьрус мазрал ва культуралул региондалул центрданул вакилтал, мукунма Къизлярдаясса Терскаллал казактурал ансамбль.
[dropcap]О[/dropcap]ьрус мазрал ва культуралул региондалул центрданул хъунмур Лариса Кукановал бувсунни Дагъусттаннал аьрщарай оьрус мазрал цуксса бияла буссарив, кIицI лавгунни гьарца инсан цамур миллатрал ва диндалул хIурмат буну икIан аьркиншиву.
Терскаллал казактурал ансамбльданул ккаккан дунни дуснакьлувтуран ва хъамаллуран ххаллилсса концертрал программа.
Колониялул хъуниминнал барчаллагь увкунни хъамаллурахь цалва тарбиялувтуран дурсса бахшишрахлу кIицI лавгунни уттиния тихунмайгу хIала-гьурттуну зунсса умуд бушиву.
Дагъусттаннал УФСИН-лул пресс-служба
ХIадур бувссар
А. Аьбдуллаевал
