«Единая Россия» партиялул Генсоветрал хIукму хьунни Дагъусттаннал ва Ингушнал республикарттал бакIчитурал къуллугъирттайнсса инсантурал цIарду Аьрасатнал Президентнал хьхьичIун ласун.
[dropcap]П[/dropcap]артиялул Генсоветрал хIукмулийн бувну, Дагъусттан Республикалул БакIчинал къуллугърайн ккаккан увунни цIанасса ппурттуву региондалул каялувчину зузисса Владимир Васильев.
«Дагъусттаннал БакIчинал кIанайману зузиссаксса хIаллай, Владимир Аьбдуаьлиевичлул ккаккан увунни цува бюхъу-бажар бусса каялувчи ушиву, мунал хIарачат буллай ур республика хьхьичIуннай хъит учин дуван, агьалинал ахIвал ххуй буван», — увкунни партиялул Генсоветрал секретарь Андрей Турчаклул.
Жул корр.
