[dropcap]Р[/dropcap]аджаблул арс МахIаммадов Султан (Хъусращиял шяраватусса) гьашину марцIсса ххювардай къуртал буллай ур цалчинмур класс. Дуклай ур МахIачкъалаллал 42-мур школалий.

Зулайхат Тахакьаева
[dropcap]А[/dropcap]прель зуруй шагьрулул школарттал байбихьулул классирттал дуклаки оьрчIал дянивсса конкурсрайгу цалчинмур кIану бувгьуну, ттигъанну Султан гьуртту хьунни республикалулмур конкурсрай. Сакиншинначитурал бусласимунийн бувну, конкурсрайн дуркIсса 178 даврива личIи дурну дур 136 даву. Вайксса гьур­ттучираву Султан усса ур оьрмулул яла чIивима. «Ттул творчествалул дуниял» тIисса номинациялий (цинярдагу 12 номинация) 3-4 классирттаву дуклаки­сса 14 оьрчIал дянив яла лаваймур кьимат жюрилул бивщуну бур Султаннул даврин.

[dropcap]В[/dropcap]анал ах­ттар дурсса даврин цIа дур «Синааьрщи творчествалул щаращир» тIисса. Хъинну сивсуну дуручлай ур Султан цала даву. «Хасну му тема циван язи дугьав?» — куну цIувххукун: «Зун къакIуллив, синааьрщи – му караматсса аьрщи душиву, ссихIирданул аьрщи душиву. Мунийн ка лаяйхту, муния хъанай дур эмаратсса затру. Муния дурсса затурттил дуниял хIайран дурссар», — тIий.

ОьрчI конкурсрайн ххуйну хIадур аврихлу диплом буллунни ванал ниттин Камилангу. ХIакьину щала школа ваная пахрулий бур. ТIайлабацIу баннав вин, Султан!