«Паркирдал марш» тIисса акциялул агьаммур мурадну хъанахъиссар ялун нанисса ник тIабиаьт ххирану, мунил кьимат буну тарбия даву. Аьрасатнаву 2018 шин баян бувссар Доброволецнал шинну.
З. АьбдурахIманова
[dropcap]Т[/dropcap]ак циняв цачIун хьуну бакъа, къабюхъантIиссар тIабиаьтралми буруккинттах къуллугъчитал, хIукумат бакI дугьан дан.
«Паркирдал марш», Аьрасатнаву дакъа, дунияллул халкьуннал дянивссагу акцияр.
Президентнал грантрал лагрулий ва масъалалул ялув бавцIусса Дагъусттаннал элмулул ва улклул центрданул, ДР-лул ТIабиаьтрал сурсатирттал ва экологиялул министерствалул, ДР-лул КIулшивуртту дулаврил ва элмулул министерствалул цачIу ва акциялийнсса хIадуршинна дуллай буссар. Уттинингу вайннал сакиншиндаралу республикалул ацIвахъул школалий 1300 дуклаки оьрчI гьуртту хьусса экологиялун хасъсса мероприятияртту хьуссар, вания гихуннайгу хьунтIиссар.
«Паркирдал марш» тIисса акциягу жулла тIабиаьт дуруччаврил цIаний дуллалисса ца хъуннасса даврил гьануну хъанахъиссар.
