[dropcap]М[/dropcap]ахIачкъала шагьрулул 16-мур школалул дуклаки душру Бурсаева Риязатлул ва Давудова Баниятлул дуккаврил шин къуртал дурунни хьхьичIунсса кка­ккиярттайну, лакку мазралмур дарс цайминнуяр ххирану, багьайкун лагу-лахьлай, лакку мазрайн дагьайсса мероприятияр­ттай, вечердай чялишсса гьур­ттушинна дуллай, хьхьичIунсса кIанттурду бугьлай.

Му ба­къассагу, вай кIулссар, ххирагу хьуссар, «Миллат» передачалул тамашачитурангу. Та оьвчирчагу, тачIав махъаллил къавхьуну, бувкIссар ННТ каналданийн.

Хъунмасса барчаллагь, цал­чинма-цалчин, вай душварал нитти-буттахъан, ниттил мазрахсса гъира вайннаву лещан къабивтун тIий. Хъунмасса барчаллагь ва школалий ниттил мазрал дарс дихьлахьисса, цила миллатрал хIакьсса патриот, энтузиаст ПатIимат Аьлиевангу.

Зулайхат Тахакьаева