[dropcap]И[/dropcap]юнь зурул 1-нний ОьрчIру буруччаврил кьини «Ятинтал бакъасса Дагъусттан» тIисса ккурандалущал ва «Мирадж» тIисса реабилитациялул центрданущал цачIуну Лак­рал театрданул дурунни мушакъатсса ятин­сса оьрчIансса байран.

[dropcap]Л[/dropcap]акрал театрданул ккаккан бувунни Казбек Мазаевлул чивчусса магьа «Къучагъсса барзукка» (оьрус мазрай). Театрданул фойераву сакин дурну дия личIи-личIисса конкурсирттай ххув хьусса мушакъатсса оьрчIал суратирттал ккаккия, сурат дишаврил мастер-класс. Муния махъ ккаккан дурунни «НТВ» каналданийсса «Ты супер!» конкурсрай финалданийн бувксса Эльвира ЯхIияева ва цаймигу балайчитал гьурттусса яргсса программа.

Акция дан хъунмасса кумаг бувну бур волонтертуралгу — Дагъусттаннал художественно-графический факультетрал ва «Здоровье» тIисса медициналул центрданул студентътурал. Вайннал дуруна тяхъашивуртту, оьрчIайх дарчIуна нацIу-кьацIу.
«Дагестан без сирот» организациялул хъунмур Раисат ХIусмановал ва «Мирадж» центрданул хъунмур Аьйшат Шамсуттиновал барчаллагь увкуна Лакрал театрданул коллективрахь ва волонтертурахь.