Лякьазара ккашил, танмал дякъилли ивчIайсса.

Ляхъин бакъасса ташу цуппалу авлахърайсса мурхьри.

Лавмартнал бувсса ламуйх лахъаяр неххал лавсун хъинссар.

Мукьайну цIу лещан дан къашайссар.

Мусил зунттуйннияр, вин­ма кIулмунийн вихшала диша.

МазкIуран намус — хатир къакIулссар.

Мурад булун ччарчан, аьр­чча-мурчIинугу, ччан шай­ссар.

Мазрал хъирив бакI най къалякъиннав.

Мурхь бугьарчан, мурхьирай къярттагу ххяххайссар.

Махъ буккаяр я букканнав учайссар.

Мискиннал хъус оьрчIрур.

Мискинчу рахIатну шанан икIайссар, аваданчу ццаха тIийри шанан икIайсса.

Машан лавсъсса душманная дус къашайссар.

Марч бишлашийни, цIу дихьлан къабикIайссар.

Магъ дуркнийх кIулу бу­ккайссар.

Марч чунмай бивщурив, михунмай лачIагу лахIайссар.

Мах кIукIлу дайсса анжагъ цIаралли.

Мархьгу, хьхьуригу цала кIунттихь дуну.

НигьаусучIан азар анавар дуккайссар.

Ниттил оьрчIру кунма, аьрщаралгу халкь ябуллали­ссар.

НицI дай найрайгу, шярал зимизрайгу хъаттирду цакуцссар.

Нанинин щин итадакьин аьркинссар.

Найрал ницIаву ттуршва дарув буссар.

Найрал ницI нацIушиврул паччахIри.

Неххавун агьманан гъарая нигь дакъассар.

НахIусса мазрал нацIусса ницI дукайссар.

Нех къаккаркма ратIния цIа дуллан икIайссар.

НицI тIутIаврил кьацI нацIу къашайссар, зун аьркинссар.

Нех кьаркьукун, чавахъ бухлагайссар.

Низам дакъахьурчан, щаргумали лияйссар.

Зимизрал хъа щуну бакъарача на, зунтту багьсса дардирдайра бусса.

НицI нацIунна кьадиртун хъинссар.

Нис дурккукун экьи дурт къячIи кунна.

НицIачIан най кунма, лас акъасса щарнил ялун махъ наниссар.

Оь банна тIий, хъингу шайссар, хъин банна тIий, оьгу шайссар.

ОьрватIун бяр оькьинилул къалагур, талихIрал тавханагур.

Оьккимур левххун баяйссар, ххуймур шанай личIайссар.

Оьлин цила кьиртту кIу къашайссар.

Оьккисса чIаххувращал ххуйсса къатта къабайссар.

Оьрмулул кици бусса захIматравури.

Оьсса ссинил залуннал кьацI аьгъу байссар.

ОьрчIний оьрчIшиву къадурнаща, чувний чувшивугу дан къашайссар.

Оь инсан хъин къашайссар, оь дуниял хъин шайссар.

Оьчунан ххуймунилгу кьадру бакъассар.

Оьккимур тIул щинащал, ххуймур винна.

ОьтIу дунияллийн укканнин, лакьу увкссия тIар.

ПуркIу-цIарал къахъанарчан, чарил къатригу эяллай дацIайссар.

Пашман хьуну, кIиссурайн кьацIа тIий ур.

Пишгу, пувгу ца зуматур личайсса.

Пахру бусул хъуснияр пахру чIявуссар.

Пахру бунал дакI хъуннассар.

Паравугу муси зия къашайссар.

РикIирал кIюйлийн ниц чапал хьуну бур.

Ссавургу, захIматгу гьарзатраяр ххув шайссар.

СсахI букайма дачIулгу уччин къаайссар.

Симандалух урувгун, бакIравумур кIул бан къашайхха.

Турлин вил, ттул бакъассар – рирщуманайн кьутIайссар.

Ттул талихI талатавриву, вилмур – чакурдиву.

Тарбиялул укъавччума вахIшину чIалан икIайссар.

Ттуккуяксса хъинбала ласная къаккавкри.

Ттукку ттуршал буччин къабайссар.

Ттуккун ттуршаяр ца хъалул кIама ччиссар.

Ттуккунгу цила хIукIу ххирассар.

Ттуккул вичIив лахъи дурксса алжаннувун кIункIу тIийри тIар.

Ттукку уквасса гъазалар.

Тахсир бакъа ххавхма дачIра урцIух акьайссар.

Таж биширчагу, хъатIу хъатIур.

ТаничIан бисмиллагьращал гъан хьунссарав, алхIамдулиллагьращал гъан хьунссарав къакIулла.

Танмалнал пикри – дукаву ва хIачIаву.

Ттуккул ттаттал ттаттагу къазахъну ивкIссар.

Тутлил мурхьирай тIутIив чIалну шайссар, ахъулсса ччяни дияйссар.

ТIутIая сун къашайссар.

Так-тукну буллали захIматрая лякьа къадуччайссар.

УрчIа ка зузи къадарчан, куя ка чIатIутIи дуллан багьайссар.

Уртту силдания нигьа дусайссар, силгу бургъия нигьа дусайссар.

УрчIа ка кия каних мюхтаж къаданнав.

Уккансса кIану къакIулсса кIанайн укъаххайссар.

Уттулу бухълай, чIила къагъагъайссар.

Уссин уссу – леххан хъару.

Увхний, зимизгу кIуну чIалан бикIайссар.

Уссу акъасса ссу кIиннан кIанай бацIайссар.

Уссу акъа ссил ялату махъ чан къашайссар.

ХалкьунначIа – хIукумат, хIукуматрачIа – гуж.

Ххют бюрххул магърал дакъарча, аьраварттилли.

Ххютгу я щинаву дюкъакьайссар, я цIараву ччукъаччайссар.

Хъатлих хIарчIсса щиналгу, буттахъаннийсса оьрмулулгу инсан укъавччуссар.

Хъянсса бакъа, хъярч къашайссар.

Хъинсса чан хъинсса бурттигьугу аьркинссар.

Хъузала зурчанни хъугу зун дикIайсса.

Хъун мурхьирал мархригу куртIссар.

Хъуннасса нех ца щаращуя къашайссар.

ХIарамсса ацIра къурушнияр, хIалалсса ца къуруш хъинссар.

ХIажатханттуя тавхана бан къашайссар.

ХхалабакIуй бавхIусса ккаччин лавхьхьуну.

Ххуллу хьхьичIунмай бусса кунма, махъунмай бачинссагу буссар.

ХхюлубакIу левкьукун, чIу къабувккун къабикIайссар.

ХьхьичI бивсса машайн маша къабияйссар.

ХъудугьучIа ччатIул кьадру хъунмассар.

Хьхьири ялтту бутIирчагу, дакIнилмур чапалшиву марцI дан къашайссар.

Халкьуннан хайрданунсса щялмахъгума бусан бучIиссар.

Хаварду чIяву хьуну, диванхана ливунни.

ХIанттил кьяцагумали бурцIийн кьяца бацIлацIи байссар.

ХIанттилгу, хумарданулгу ччувччусса къатта, Аллагьнаща базин къашайссар.

ХIаясизнал иттав пуй учирча, интнил вирхху бунни учайссар.

Хъунмасса гужнияр чIивисса аькьлу хъинссар.

Хъунав хьуманан цува жагьилну ивкIшиву кIулну бикIан аьркинссар, жагьилманан – цувагу хъунав хьуншиву.

??

??

??

??

1