МахIаммадлул арс
МахIаммадов Мухтар
[dropcap]О[/dropcap]ьрмулул 83 шинаву жуятува личIи хьунни инсаншиву ларайсса, гьарца чулуха итххявхсса зунтталчу, цIанихсса педагог МахIаммадов Мухтар МахIаммадлул арс.
Мухтар ия ххишала акъа дакI марцIсса, аькьлу камилсса, цаманан хайр баву цала буржну чIалачIисса, мукъуйну, даврийну кьини дуркнал чIарав ацIайсса, пашманма ххари айсса, кIулшигу, жангу щарнил агьулданун дуллусса инсан.
Гьарцаннан бусравсса шяравучу уну тIий, мунайн хIурматрай «Мухтар-Мяммай» учайссия чIявучил. ВицIхъиял махIлалий акъассагу, ва хIурматрай уссия щаллагу райондалул щархъал агьулданул дянив.
Мухтар увну ур 1935 шинал. Къуртал бувну бур Гьанжилив пединститут. Учительну зун айивхьуну ур 1956 шинал ЦIумадиял райондалий.
1959 шиная 2016 шинайнин зий ивкIссар буттал шяраву учительну, завучну, директорну, шяраваллил советрал председательну. Мунал хIарачатрайну шяраву бувссар цIусса школа.
Мухтар лайкь хьуссар паччахIлугърал чIярусса наградарттан:
«Директор года – 99», «Директор века», «Академик творческой педагогики», «Народный педагог РФ», «Заслуженный учитель РД».
Педагог акъасса, Мухтар ия пасихIсса мукъул заллу, шаэр, тарихчи. Ванал чивчуссар цала шяраваллил тарих цачIун бувсса ххаллилсса луттирду.
Мухтар-Мяммал бусравсса цIагу, чаннасса симангу абадлий личIантIиссар му кIулцириннал дакIурдиву.
Цал бунагьирттал аьпа баннав, рухI бигьаний дишиннав.
Хъуннасса пашманшивугу кIидачIлай, дакIнихтунусса жижара буллай буру Мухтардул щалагу агьлу-авладрахь. Мунал барачат ирсирай ливчIун лякъиннав.
ЧIарттал жяматрал
ва школалул коллективрал цIанияту Кьадиров Мяъсуд
Муршидлул арс Маршаев Извани
[dropcap]В[/dropcap]ай гьантрай жуятува личIи хьунни ххаллилсса лаккучу, ЧукIуннал шяравасса Муршидлул арс Маршаев Извани.
Извани увну ур 1953 шинал. Ккурккуллал дянивмур даражалул школагу къуртал бувну, 1970 шинал увххун ур Ленинградуллал жамирду бай институтравун. Дуклай унува, зий ивкIун ур Каспийскалий «Дагдизель» заводрай, цал хъунама механикну, яла цехрал хъунаману. Мунияр махъ, пенсиялийн укканнин, зий ивкIун ур Избербашливсса «ДагЗЭТО» заводрал хъунама инженерну.
ХьхьичIунсса пишакар хIисаврай Изванинал сурат мудангу лархъун дикIайссия заводрал хIурматрал улттуйн. Цимилагу лайкь хьуну ур хIурматрал грамотарттан ва цаймигу бахшиширттан.
Ва ия дакI аьчухсса, аьмал-хIал бавкьусса инсан. Ва ххирасса ия дустуран, чIахху-чIарахнан, бусравсса ия шяраваллил жяматран.
Извани аьпалул шаврил кьурчIишиву кIидачIлай, жижара буллай буру кулпатрахь, оьрчIахь, уссур-ссуннахь ва цинявпагу гъан-маччанахь. РухI хъинний дишиннав, алжаннул ххари аннав.
ЧукIуннал жямат
Вай гьантрай жуятува личIи хьунни цала жяматрал дянивгу, щала Лакку улклуйгу хъинну бусравсса инсан, ххаллилсса учитель ва тарбиячи, хъинсса дус ва насихIатчи, ЧIарттал шяравасса
МахIаммадлул арс МахIаммадов Мухтар.
Ванайн цинявнналвагу хIурматрай «Мухтар-мямма» учайссия.
Мухтар аьпалул шаврил кьурчIишиву кIидачIлай, жижара буллай буру арснахь, уссурссуннахь, махъсса цинявппагу гъан-маччанахь.
Имандалий лавгун лякъиннав, рухI алжаннул ххари даннав.
Ккурккуллал школалул коллектив ва дуклаки оьрчIру
ДакIнихтуну кьурчIишиву кIидачIлай, жижара буллай буру Качардухь, Шагьрагуллухь, Зугайнатлухь, Камалуттиннухь, цинявппагу махъминнахь, ххирасса нину
Шамай
ахиратрал шаврийн бувну.
Зул ниттил барачат махъ ливчIун лякъиннав.
Мукъуй цIу бусса, дакIниву цIими бусса, бакIралгу ххуйсса, чурххалгу бювхъусса буссия Шамай. Абачарал рурцуну, балай учай жул Шамай!
Мамедова Басират, РайхIанат, Альбина, Сиясат ва махъсса щала жул кулпат,
ш. ЧIяйми
