ЗахIматрал пишарду машгьур буллай

ЗахIматрал пишарду машгьур буллай

Вай гьантрай ДР-лул экономикалул министрнал маслихIатчи Игорь Губайдуллиннул Дагъусттаннал региондалийсса WordSkills Russia «Жагьилсса пишакартурал» координациялул центрданул каялувчи Шамил МахIаммадовлущалсса Татарсттаннал республикалийнсса аьрххи хьунни.


Имара Саидова
Вайннал мурад бия Татарсттаннал республикалущал архIал «Жагьилсса пишакартурал» чемпионатрал даву хIала-гьурттуну дачин даву, хьхьичIунсса технологияр­ттай зий, даврил опыт кIибачIаву.

Дагъусттаннаясса хъамаллуран ккаккан бунни Къазаннал информациярттал технологиярттал ва дахIаврил техникум, Къазаннал строительствалул колледж, Дунияллул халкьуннал сервисрал ва Къазаннал коммунал хозяйствалул ва строительствалул колледж­ру. КIицI лавгсса колледжирттаву графикалул дизайнрал, чарил ва тIаннул давурттал ва цаймигу пишарду лахьхьинсса шартIру лавайсса даражалий дузал дурну дур.

Игорь Губайдуллиннул бувсунни Татарсттаннай захIматрал пишарду машгьур буллалисса центрданий душиву уттизаманнул яла хьхьичIунми оборудованияр­тту. Му бакъассагу, центрданий бур даврил опыт бусса экспертътал ва чемпионатирттай чялишсса гьур­ттушинна дуллалисса жагьилсса пишакартал. Тикку хъуннасса аякьалийн лавсун бур захIматрал пишарду язи бувгьусса жагьилтал.
Хьунабакьаврий кьутIи дунни Дагъусттаннаясса пишакартал Татарсттаннал захIматрал пишарду машгьур буллалисса центрданий хIадур буллан.

Шамил МахIаммадовлул кIицI лавгунни WordSkills Russia проектрах Дагъусттаннал паччахI­лугъралгу хъуннасса къулагъас дуллай бушиву. Му бакъассагу, ДР-лул ЗахIматрал ва социал лябуккулул министерствалулгу жула региондалий ва проект хьхьичIуннай дуллай, чялишсса давуртту дачин дурну бушиву.

ДакIнийн бутанну дунияллул халкьуннал дянивсса даражалул WordSkills Russia «Жагьил­сса пишакартурал» чемпионат хьун­тIишиву 2019 шинал Къазаннай.

Читайте также: