[dropcap]С[/dropcap]одалий машюшару мусил щин дурксса тIахIни-кIичIу, мусил щару ччяни лиххайссар. Алюминдарал тIахIни-кIичIу содалул лухIи лаган дайссар.
— Муххал затру цIай-цIай тIун дикIайссар, кьавкьсса, ккуччу бувсса кказитрай ссуку дарча.
— ЧIиллайсса, гьиссилттайсса ттангъри лагайссар, ссахIвандалул щинавун бивчусса мюршсса къундалий гужну ссуку дарча.
— Сир бувк кIункIурдул чIан ларчIун духьурча, щин дутIайссар, ца къуса содалулгу дирчуну, цаппара хIаллава щин щаран дитайссар, яла кIункIур бигьанма марцI шайссар.
— Ккурч сир бувк кIункIурдуву къадайссар, чIан лачIлан, дикIайссар кIункIур цуппагу марцI бан захIматссар.
— Агарда сир бувк кIункIурдул чIан ларчIун духьурча, анавар мабуккару дукра цамур кIункIурдувун дичин, бишияра дукралущалсса кIункIур дяркъусса щинаву, ччурччумур лачIунтIиссар чIанулун, яла бучIиссар дукра цамур кIункIурдувун дачIра дан.
— Га яла марцIсса дикI гьаяй машиналувунгума ишла бан хьхьичI щаращисса щин дутIин аьркинссар.
— Сир бувксса тIахIни-кIичIу (кIункIур) ишла дайссар дукра дангу, хъунмасса хIаллай дукия ядангу.
— Сир бувк тIахIни-кIичIу ххуйну марцI шайссар, янна шюшай содалул 25 г. ца литIра кIирисса щинавух хIала бувну, гайннуй ссуку дурну, виларгун, марцIсса полотенцалух лиширча.
— ЛухIи лавгсса алюминдарал кIункIур бигьанма марцI бан хьунтIиссар ссиркалий атил дурсса аццух лиширча. Яла гъилисса щинай шюшин аьркинссар.
— Алюминдарал тIахIни-кIичIу муххал щеткалух марцI дуллан къабучIиссар.
— Арцул къусри-гьиссилтту, мудан цIай-цIай тIий дикIаншиврул, ишла дайхтура, дишин аьркинссар содагу бивчусса щаращисса щинаву.
— Арцул къусри-гьиссилтту нюжмардий цал шюшлан аьркинссар, чансса нашатырданул спиртгу дуртIусса ссахIвандалул щинай.
— Арцул кьайлуйсса цIансса ттангъри бигьану лагайссар луххай ссуку дарча, хъатрулул ттангъри лагайссар, гъилисса ссиркалул аццух ссуку дарча.
— ЧIиллайсса, къусрайсса, гьиссилттайсса цIакьсса (гьан дан къашайсса) ттангъри марцI шайссар, цал лимондалул сокрай, яла кIукIлусса ппалул аццух лиширча.
ХIадур бувссар
Т. ХIажиевал
