Аьдатравун багьну бур

Ххувшаврил байрандалул гьант­рай МахIачкъалаллал аэропортрал зузалтрал дунни Хъун дяъвилул Вирттаврал аьпа абад буллалисса митинг ва тIутIив дирхьунни аэропортрайсса Совет Союзрал кIийла Виричу АхIмад-Хан Султаннул гьайкалданучIа.Ши­кку гьуртту хьунни «Аэронавигация юга» ОиВД Прикаспийский центрданул филиалданул зузалт, аэропортрай зузисса Дагъусттаннал Таможнялул ва дазул къуллугърал вакилтал ва цаймигу.


Имара Саидова
[dropcap]В[/dropcap]ирттал дакIнийн бичлачисса аьпалул мажлис хьунни МахIачкъалаллал аэропортран цIа дирзсса ва МахIачкъалаллал аэропортрай дирхьусса Совет Союзрал кIийла Виричу АхIмад-Хан Султаннул гьайкалданучIа.

Авиапредприятиялул хъунама директор Арсен Пир­махIаммадовлул кIицI лавгунни гьарицагу инсан буржлувну ушиву вирттаврал дяъвилий дурсса къучагъшивурттая ялун нанисса ирсирахь буслан.

Бюхттулсса ххувшаву ласлай талай бивкIсса ва жанну дуллусса Вирттаврал аьпа абад буллалисса мероприятияртту дуллалаву аьдатравун дагьну дур МахIачкъалаллал аэропортрай.