[dropcap]А[/dropcap]прельданул 23-нний ДР-лул БакIчинал кIанайма Владимир Васильев хьунаавкьунни Волгоградуллал улклул губернатор Андрей Бочаровлущал.

Хьунабакьаврий гьуртту хьунни мукунма ДР-лул Халкьуннал Мажлисрал Председатель Хизри Шихсаидов, ДР-лул БакIчинал ва ХIукуматрал Администрациялул каялувчи Владимир Иванов, ДР-лул виваллил иширттал министр Аьбдурашид МахIаммадов, Волгоградуллал улклул МВД-лул хъунмур управлениялул хъунама полициялул генерал-лейтенант Александр Кравченко.
Владимир Васильевлул хъамаличунахь бувсунни республикалий мюхчаншиву дуруччиншиврул дуллалисса давурттая.

«Шихун чIумуйсса зун тIайла бувксса полицалул зузалт хъинну зий бур, муний жу мукIру хьуру цимилагу. ХIакьину Дагъус­ттаннай гужирдал органнал лавайсса даражалий бартбигьлай бур цайва бивхьусса буржру терроризмалущалсса талатаврил ххуллий», — увкунни Республикалул БакIчинал кIанайманал.
Владимир Васильевлул бувсунни Волгоградуллал улклул губернаторнал хъиривчуну зий ушиву дагъусттанлув ва му иширая пахрулийгу ушиву.
Андрей Бочкаревлул барчаллагь увкунни Волгоградуллал улклул полициялул зузалтрал Да­гъусттаннайсса даврин ххуй­сса кьимат бищаврихлу. Хьунабакьаврий ххал бивгьунни цамургу масъала – Волгоградуллал улк­лул ва Дагъусттан Республикалул дянив социал-экономикалул масъалартту хIала-гьурттуну дузал буллан икьрал даву.