[dropcap]А[/dropcap]ьрасатнал билаятрал паччахI увчIлачIисса кьини Апанни Къапиевлул цIанийсса Лакрал музыкалул ва драмалул театрданул артистурал творческий десант лавгунни Лак­рал ва Ккуллал районнайн. Яла чIявусса инсантурал чIурду буллалисса кIанттурдай Гъумук ва Ккулув агьали тяхъа бан ккаккан дурунни концертру.

[dropcap]Б[/dropcap]илаятрал ялун нанимур бувчIлачIисса иширал агьамшиву кIицI лаглай, десантращал бувкIун бия театрданул каялувчи, Аьрасатнал магьирлугърал лайкь хьусса ишккакку Бад­рижат МахIаммадхIажиева ва хъунама режиссер, Дагъусттаннал халкьуннал артист Аслан МахIаммадов.

Рязину ва барчаллагьрай ливчIунни кIирагу райондалул агьали бувчIавурттал кьини байрандалийн кIура даен дурсса артистурайн: ХIажиаьли ХIажиаьлиевлуйн, Луиза Шагьдиловайн, Арслан Шагьмардановлуйн, Халисат Батирбековайн, Шамсуттин Къаплановлуйн, Юлиана МахIаммадовайн, Барина Мусаевайн, Хидирнаби МахIаммадовлуйн, Ямлихан ХIажиевлуйн, Жаннат Гянжиевайн.

ХIадур бувссар
Зулайхат Тахакьаевал