Райондалул цIа лайкьну дуручлай

ЧIявусса ЦIуссалакрал райондалул ДЮСШ-рал выпускниктал хIакьину къуллугъ буллай бур Аьрасатнал Феде­рациялул Виваллил ишир­ттал министерствалуву ва цаймигу гужирдал структурардай.


[dropcap]Ч[/dropcap]ув бухьурчагу, цала бюхъу-гьунарду ккаккан буллай, лайкьну дуручлай бур райондалулгу, республикалулгу цIа.
Мукунминнавасса ур спортрал бяст-ччаллаву мудангу хьхьичIунсса кIанттурду бугьлагьисса полициялул чIивима лейтенант Муса МахIаммадов. Уттигъанну хьу­сса каруннай бияврил Дагъус­ттаннал МВД-лул чемпионатрай, цIакьсса муттаэтуращал увккун, циняв биявурттайгу ххув хьуну, Мусал цалчинсса кIанттурду бувгьунни. Ванияр ца-кIира нюжмардул хьхьичIгу Муса ххув хьуссия Дагъусттаннал закканттай буккаврил чемпионатрайгу.

Утти республикалул МВД-лул цачIун дур командалуву ва гьуртту хьун тIий ур мартрал 26-нния 30-ннийн бияннин Орел шагьрулий хьунтIисса Аьрасатнал МВД-лул чемпионатрай.
Шиккува кIицI бан, Муса оьрчIнияцIава вардиш уллай ур ЦIуссалакрал ДЮСШ-рал тренер-преподаватель Айданов НурмахIаммад Муртузялиевич.
Спортсменнангу, тренернангу чIа тIий буру тIайлабацIу Аьр­асатнал чемпионатрай.

ХIадур бувссар
Андриана Аьбдуллаевал