[dropcap]А[/dropcap]прель зурул 24-нния байбивхьуну, Аьрасатнал шагьрурдай волонтертал бачIлан байбивхьунни Георгиевский лентарду.
А. Аьбдуллаева
Акция нантIиссар 9-мур майрал кьининин.
«Георгиевская ленточка» цIанилусса Щалагу Аьрасатнал акция буллан байбивхьуссар 2005 шинал. Ххувшаврил кьини гъан хъанахъисса гьантрай.
Байрандалул лишанну хъанахъисса Георгиевская лента бачIлан бикIайссар Аьрасатнал цинярдагу регионнай. Ларгсса шинал волонтертурал бавчIуну бур 20 миллиондалия ливчусса лентарду. Георгиевская ленталийсса цIухъахъисса ва лухIисса щару талатавурттал цIарал ва пуркIурал лишанну хъанахъиссар.
