Аьрабусттаннал самолетрур хIажлийн ххилантIисса

Аьрабусттаннал самолетрур хIажлийн ххилантIисса

Гьашину хIажлийн наними тIайланма Дагъусттанная Маккалив, Мадиналийн ва тичча махъунмай биян буллантIисса кьутIи дурну дур «Марва – Тур» компаниялул ва Саоьдуллал Аьра­бусттаннал «Saudi Arabian Airlines» авиакомпаниялул. Икьралданийн бувну, Аьрабусттаннал авиалиниярттал оьмралул чIумал – 600 инсан, хъун хIажлил чIумал – 7000 инсан бугу-бувцуну, махъунмайгу биян бувантIий бур.

П. Рамазанова
— Аьрасатнал хIажлил тарихраву укунсса къулайшинна цалчинни хьунтIисса, кIива билаятрал агьалинал дусшиврий­сса арарду цIакь дуллалисса ва Аьра­сатнал хIажитурал жиплий къия хьун къаритантIисса даву, — тIий бур «Марва-Тур» компаниялул вакилтал. Гьашину Аьрасатнава хIажлийн гьантIий усса ур 20 500 инсан. Дагъусттаннан ккаккан бувну бур 8600 кIану. Вай ларгсса шиналнияр чIявусса хъанай бур.

Читайте также: