[dropcap]А[/dropcap]гьали цалва масъалар­тту щаллу буван, кумаг­рал хъирив хьхьичIва-хьхьичI бачай депутатътурачIан.Утти­гъанну Каспийск шагьрулий «Единая Россия» партиялул кьамул бай къатлуву Каспийск шагьрулул округрал Депутатътурал мажлисрал председатель Аь. Жаватовлул ва ДР-лул Халкьуннал Мажлисрал депутат Т. ХIамзатовлулгу кьамул бунни агьали. Ва кьини депутатътурачIан бувкIсса агьалинал бия личIи-личIисса буру­ккинтту, масъалартту.
[dropcap]С[/dropcap]овет Союзрал Виричу Ма­ккаев ЦIаххуй Маккашариплул арснал аьпа абад буван, мунал цIа Каспийск шагьрулул цания ца кIичIираваллин дизаврицIун кабакьу бува тIий увкIун ия му даврил сиптачитурал группалул каялувчи МахIаммад Шагьабуттинов. Мунал бувсунни Виричунал буттал шяраваллил – ЧIяйннал щарнил жяматрал хъинну хъунмасса захIмат бувшиву Каспийск шагьрулул гьану бизлай ва ччаннай бацIан буллай. Депутатътурал чIурчIав дунни, цамуния къатIий, Совет Союзрал Виричунал цIара гьашиву кIичIираваллин мунал цIа дизаншиврул ва махъ буллунни му масъала ласун хасъсса коми­ссиялул ххал бигьаврийн.

Бадрижамал Аьлиева