Жижара

МахIаммадлул душ Сагидова Зина

Хъун бакъасса хIаллай къашавайгу бивкIун, цIуцIаврища ххассал бан къавхьуну, оьрмулул 75 шинаву аьпалухьхьун лавгунни ххаллилсса багьу-бизулул хъамитайпа,дакI-аьмал уздан­сса, гьарцаннащал хIал бавкьусса инсан, ГьунчIукьатIрал шяравату­сса МахIаммадлул ва Загьидатлул душ Сагидова Зина .
Школа къуртал бувну махъ ванил бувккуну бур МахIач­къалалив техникум, зий бивкIун бур личIи-личIисса давурттай цила пишалий. Ва бия захIматрал ветерангу.
Зина аьпалухьхьун лагаврил пашманшивугу кIидачIлай, дакIнихтунусса жижара буллай буру ванил ласнахь, арсурваврахь, уссихь, уссил щарнихь, арсурваврал хъаннихь ва махъсса цинявппагу гъан-маччанахь.

Зинал бунагьирттал аьпа баннав, рухI бигьаний дишиннав, алжаннул ххари баннав.
ГьунчIукьатIрал жямат


Закирдул арс Оьмаров Ленор

Декабрьданул 1-нний 2017 шинал дунияллия лавгунни захIматрал ветеран, Гъумучиял агьулданун хъинну бусравсса, ххаллилсса инсан Оьмаров Ленор.

Ленор увну ур 1933 шинал Маллаоьмархъал Закирдул ва Рашкъухъал Написатлул кулпатраву. Гъумучиял школагу ххювардай къуртал бувну, увххун ур Бакуйсса индустриал институтравусса навт буккаврил факультетрайн. Гагу 1957 шинал къуртал бувну, ларсун дур инженернал цIа. Зий айивхьу­ссар Избербашрайсса навт буккай участкалул начальникну. 1973 шинал Ленор ивтссар «Водоканалданул» управлениялул начальникну, чIал къавхьуну хьуссар генеральный директоргу. Миннущала архIал 1971-74 шиннардий горсоветрал депутатнал давугу биттур дуллай ивкIссар.
Чув зурчагу, ци къуллугърай ухьурчагу, цала буттал шяравалу Ленордун хъамакъариртссар. «Даггазрай» зузисса чIумал, 1965-ку шинал, ванал хIарачатрайну тIитIин бувссия Гъумук газрал баллоннал къуш, инсантураща газ ччитари ласун бюхъайсса даражалийн бувцуну. 1970-ку шиннардий ванал кумаграйну Гъумукун дурцуссия КIирхъаллил ратIату щин. Миннуйнгу Ленордул щин учайссия.
Ванал хIалал дурссар «Знак почета» тIисса орден, «Ветеран труда» тIисса медаль ва «Заслуженный работник ЖКХ» тIисса цIа.
Ванал хъинну хIалимсса кулпат бия, Дагъусттаннал университет­рал преподаватель, Ленордущал хъа дархIуну оьрму бувтсса, Буттаева Асият. Цуппагу ца-кIира шинал хьхьичI ахиратравун лавгунни.
Львоврайсса мемориалдануву диркIсса дивизиялул командирнал, цала щарнил буттал, гвардиялул подполковник Асадуллагьлул гьав Гьанжилив ласавугума гьая, учиншиврул: «Ленор ия жула миллатрал лайкьсса арс».
Гъумук бикIу, Гьанжилий бикIу, хьусса гьарцаннал ххаришиврийгу, кьурчIишиврийгу Ленор гьур­тту шайссия. Ва ия бюхттулсса даражалул ас-ламус бусса, мяърипатрал увччусса, лавайсса аькьлу-кIулшиврул инсан.
Ленор ахиратрал шаврил кьурчIишиву кIидачIлай, дакIних­тунусса жижара буллай буру ванал душварахь, уссихь ва гъан-маччаминнахь. Бунагьирттал аьпа баннав, гьав нурданул дуцIиннав, кьиямасса кьини алжаннул ххари аннав.

Гъумучиял жямат


МахIрум бунну жува Марияннул циятува

Мяйжаннугу, Марияннул аьсивсса бивкIу бюкъавхссавагу къаливчIунни жула жяматирттал дянив. Бюкъахханссагу бакъая цуппа Мариян.

Му бия ца уттарашин хьусса хъамитайпа – циламинналгу, чилминналгу дянив. Уздансса дия мунил зана-кьулушин, бювхъусса бия мунил баймур, битаймур, кIусса бия бусаймур, лавсса бия кушу.
Гьай-гьай, Марияннул кьадарданул кьурчIишиву къадур­ккунни жул ЧIяйннал жяматрал чIарахгу. Му хъиннура ххишала хъанахъиссар Марияннул ххаллилсса арсурвавравасса хъуна-хъунама, Марат, жул язисса куяв ушиврийн бувнугу.
Дазу дакъасса къумашивугу кIидачIлай, дакI аьтIисса жижара буллай буру Марияннул щалагу агьлу-авладрахь. БивкIулул захIматшиву ссавурданий ла­хъансса кьудрат дуллуну ля­къиннав Заннал Сиражуттинну­хьхьун, арсурваврахьхьун, душнихьхьун.
Марияннул бунагьирттал аьпа баннав, рухI рахIатний дишиннав!

ЧIяйннал жямат