Августрал 1-нний Дагъусттаннал БакIчи Рамазан АьбдуллатIипов хьунаавкьунни МахIачкъалалив Аьрасатнал мюхчаншиврул министерствалул вакилтуращал – Кьиблалул аьралуннал округрал хъунаманал хъиривчу МахIаммад Хандаевлущал вACа Каспийскаллал флотилиялул хъунама контр-адмирал Сергей Пинчуклущал.

ХIасан Аьдилов
Хьунабакьаврий ххал бивгьунни «Каспийскаллал транспортрал логистикалул ва хьхьирил индустриал комплекс» тIисса проект дузрайн дуккан даврил хIакъиравусса масъалартту.
«Каспийскаллал флотилиялуя жун хъуннасса мяъна дуссар, мунияту жу хIала-гьурттуну зий буру мунил каялувчитуращал», — увкунни Региондалул хъунаманал. Рамазан АьбдуллатIиповлул Сергей Пинчуклухь барча дунни Хьхьирил Флотрал кьини.
Сергей Пинчуклул барчаллагь увкунни республикалул каялувчитурахь ва личIину Рамазан АьбдуллатIиповлухь даимансса къулагъасрахлу ва кумаграхлу. Мунал бувсунни Каспийскаллал флотилиялул хьхьирил бригадалуву къуллугъ буллалиминнал 70% дагъусттанлувтал бушиву.