МахIачкъалаллал аэропортрал 2017 шинал 7 зурул мутталий аэродромрал комплексрал техникалул база цIу буккан баврин итабавкьунe бур 38 миллион арцул.
База цIу буккан баврил программалул лагрулий МахIачкъалаллал аэропортрал машан лавсун бур 30 тонна дусса топливозаправщик, металлодетекторданул кIива хах, подкатный трап, шанна интраскоп, перрондалий аьшру дишайсса оборудование, авиациялул мюхчаншиву дуруччайсса транспорт ва цаймигу затру.
Му база цIу буккан баврил хъунмур сававгу хьуну дур аэропотрая хъунисса самолетру лехлай дайдишаву.
ДакIнийн бутанну 2017 шинал май зурул 3-нний МахIачкъалаллал аэропортрахьхьун хъунисса салонну бусса самолетру кьамул дуллансса ихтияр дуллушиву.
